保查特唔走數 吊帶裝約學生哥睇NBA
找數真漢子...唔係，係找數真女子！網壇美女保查特早前同網民係Twitter到賭超級碗邊隊會贏，並以一次約會作賭注。愛國者最終上映史上最強逆轉，落後25分後反勝亞特蘭大獵鷹，而押注落獵鷹嘅保查特當然都輸埋一份，並喺尋日兌現約會承諾。
（網上圖片）
（網上圖片）
（AP圖片）
其實今次約會之前，保查特並唔清楚男仔係咩樣或者係點嘅性格，但為左找數，仍然赴約見20歲大學生John Goehrke。於當地時間昨日晚上，兩人齊齊入場睇NBA，公鹿對籃網嘅賽事。傳媒當然唔放過穿上黑色吊帶小背心的保查特，紛紛影低兩人約會嘅畫面。
（網上圖片）
（網上圖片）
（AP圖片）
睇完比賽之後，保查特接受訪問：「John好『正常』，而且好有風度，約會之前佢嚟酒店接我，同時亦都帶咗一份小禮物，總而言之成個約會就係好正！」「一定會有第二次約會！」唔知佢地兩個會唔會譜出戀曲呢？
（網上圖片）
留返最後先俾大家睇，Fans唔好太傷心...（網上圖片）
