拍《特技人》大解放 胡諾言裸跑騷鋼條身形
胡諾言跑開馬拉松，身型超Fit！
胡諾言和關楚耀在無綫劇集《特技人》演好兄弟，今晚（16日）播出的一集講到胡仔激嬲好兄弟，唯有拿前寫上「對不起」的紙牌裸跑道歉。平時暗藏一身肌肉的他騷本錢，他笑謂：「拍完好多朋友都笑我，話睇完個body，就知點解我可以生三個！」
胡諾言跟關楚耀在劇集《特技人》演好兄弟。
胡諾言難得騷肌，事前積極操練。
胡諾言感激監製給予機會，「第一次有機會拍呢啲健康裸跑戲，但其實我唔係追求大隻，只係想練出鋼條身形。」雖然胡仔向來都有跑步習慣，但一身肌肉同樣得來不易，為了此場口他花了不少時間操弗自己，「其實呢一幕都成1年前拍，當時都要1個禮拜操4至5次，都希望出嚟線條、效果都好啲，咁自己又有跑開步，修身係會比較容易啲。去到臨拍前就每日食1餐，拍之前再做掌上壓谷肌。」
胡諾言和關楚耀
關楚耀都有「全裸」戲。
