【返學的哲學】學校校規好古怪 學生：思考生命嘅意義
返學返到懷疑人生⋯⋯
一、去廁所要填Form
因為禮貌，所以學生總要舉手問準老師先可以去廁所。但有學校竟然要學生上課期間，去廁所要填Form，個人資料、課室名、離開返來時間都一樣都唔可以少。
設計圖片
二、眼鏡框唔可以太粗
學校對學生外表一向有要求，但原來眼鏡框都有規限，唔可以粗過1 cm。老師仲會好認真用尺度眼鏡框，如果發現太粗，就會建議學生換眼鏡。
設計圖片
三、頭髮不能太短
無論男生女生，社會都有一個刻版印象，女仔係長髮、男仔係短髮。傳聞有間中學因為女同學頭髮太短，接近光頭，所以擔心其他人會以奇異目光睇位女同學，所要佢戴假髮，但其實光頭女仔一樣好受歡迎。
設計圖片
四、對咖啡因說不
學生處於發育期，所以注重飲食好合理。但有學校就唔准學生食豬肉、海鮮，仲有學校禁止飲可樂等含有咖啡因嘅飲品，怕對學生腦部有不良影響。
設計圖片
除咗香港之外，原來其他地方都唔少古怪校規。
一、唔准有Best Friend
喺英國，有啲學校禁止學生有Best Friend，因為「顧及其他學生的感受」，雖然好有同情心，但又有冇用呢？
設計圖片
二、禁止用手語介紹自己
一間學校禁止一位失聰學生用手語自我介紹，因為呢位學生個名嘅手語好似一把槍，但呢位同學除咗手語，又可以點介紹自己⋯⋯
設計圖片
三、老師禁用紅筆
香港中小學裡面，用紅筆係老師嘅特權。但係澳洲、英國就有國家禁止老師用紅筆改簿，原因係覺得咁太有「對抗性」。
設計圖片
四、唔准帶父親節咭
蘇格蘭有一間小學有條古怪校規，禁止學生帶父親節咭返學，原因係怕冇父親嘅學生傷心，但係母親節咭就可以帶喇。
設計圖片
日本校規都非常古怪，曾經就有日本學生覺得校規太過份，所以喺Twitter Hashtag#「我不需要這種校規」（#こんな校則いらない），討論日本過份校規。
五、唔可以紮馬尾
學校規定女仔唔可以紮馬尾，原因竟然係校方覺得「露後頸」會引起男仔慾望，令女同學陷入危險。
網上圖片
設計圖片
六、皮膚太黑被懷疑曬日光浴
一個學生天生棕髮，每日都喺學校門口俾人捉，所以開咗醫生證明。點知之後又因為皮膚太黑，被老師懷疑係屋企日日曬日光浴，小編都懷疑呢位同學返學返到懷疑人生⋯⋯
網上圖片
設計圖片
七、戴頭盔要從一而終
日本學生鍾意踩單車返學，一間學校對頭盔特別有要求，要求學生嘅頭盔要由開學用到畢業。但係，好多學生未畢業，頭盔已經爛得七七八八，每日返學都喺度思考生命嘅意義。世界校規都好古怪，令人忍唔住思考校規嘅意義⋯⋯
網上圖片
設計圖片
