「沙文主義」網民大跌眼鏡 《Marvel隊長》爛番茄評分大逆轉
觀眾嘅眼睛係雪亮嘅。
網上圖片
相信大家仲記得因喺《Marvel隊長》上映之前，有好多美國網民相當不滿女主角貝兒娜森（Brie Larson）曾經講過有關種族、兩性平等嘅言論，所以一班平時住喺屋企地下室嘅美國網民就集結力量，一齊喺著名影評網站爛蕃茄（Rotten Tomatoes）上杯葛《Marvel隊長》，令電影喺網站上的「觀眾期待值」低過30%。最後爛蕃茄被逼刪走「觀眾期待值」設定。
網上圖片
好彩入場觀眾都係識睇戲嘅，《Marvel隊長》正式上映之後，喺爛蕃茄評價大逆轉，拎到 83%「新鮮指數」，所有負面評價全部潛晒水。爛番茄會收集各方面嘅影評，然後再整理出「新鮮」或「腐爛」評分。一部電影要達到「新鮮」，必須獲得60%以上嘅正面評價，即是喺80個以上嘅影評人中得到75%以上好評，未達標就評為「腐爛」。
網上圖片
《Marvel隊長》喺爛蕃茄拎到咁高分，就好似一巴巴車落之前有份杯葛呢套戲嘅網民咁，華盛頓郵報更大讚貝兒嘅演技。
網上圖片
