香港人有份演《Marvel隊長》？ 狙擊手Minn-Eva演員身份揭秘
雖然戲份唔多，但都算係唔錯架喇！
網上圖片
《Marvel隊長》喺上個星期上畫，香港票房大收三千萬，直逼《神奇女俠》。戲中焦點除左貓仔Goose之外，飾演Kree族狙擊手Minn-Eva的陳靜（Gemma Chan）一樣咁搶眼，原來佢係香港人後代！
網上圖片
相信有留意開西片觀眾都唔會對Gemma陌生，因為佢舊年有份主演《我的超豪男友》飾演堅毅名媛Astrid大受關注，早前佢一身桃紅色晚裝現身奧斯卡頒奬禮吸引唔少媒體。Gemma以前曾經演出過《怪獸與牠們的產地》、《變形金剛5》等電影，喺BBC劇集《新福爾摩斯》曾經做過其中一集嘅主演。
網上圖片
Gemma喺倫敦出世，爸爸係香港人，媽媽好彩喺文革移民左去英國，佢喺比較傳統嘅華人家庭長大，自小就學芭蕾舞、鋼琴、小提琴。佢都順應屋企人要求考入牛津法系，但係心裏面嘅最大夢想始終都係成為演員。Gemma大學畢業之後唔去做律師樓實習，而係成為兼職model賺錢讀戲劇學校，之後喺參加左一套英國真人騷《Project Catwalk》而被英國電影製片人發掘。
網上圖片
雖然華裔演員好難得可以喺荷里活有演出機會，但係Gemma唔會亂咁接戲拍，有傳2012嘅《新鐵金剛：智破天凶城》本來由係由佢做邦女郎，但佢最後放棄左難得機會，因為佢認為戲中嘅祼露頭係冇必要。今時今日亞洲演員開始喺歐美影壇多左演出機會，相信Gemma可以有繼續有更好發展。
網上圖片
