《沙贊》彩蛋致敬《自殺特攻隊》？ 究竟要幾眼利先會睇到
真係要睇多次先會發現到！
網上圖片
《沙贊！神力集結》（Shazam!）嘅電影入面充滿大量彩蛋，入面基本已經提到大部份DC擴展宇宙（DCEU）《正義聯盟》（Justice League）嘅成員。但係眼利嘅影迷就會發現到一個關鍵嘅小細節。
網上圖片
喺電影入面，Billy同老死Freddy去到一間廢棄工廠測試「Thundercrack」嘅有咩能力。咁呢場戲主要係展示左沙贊有咩超能力，但我地唔好畀啲表面嘢呃左，今場戲個重點其實係擺喺佢地測試能力嘅場地度。
網上圖片
表面上呢間只係普通廢棄工廠，但係仔細留意嘅話，我地會發現倉庫嘅柱同蓄水池上刻左某個企業嘅標誌。
網上圖片x
呢個標誌就係「ACE Chemicals」，經常都會出現喺DCEU嘅作品入面，就係葛咸城入面嘅大企業之一，亦都係DC漫畫入面最賤格嘅企業霸權。因為呢間公司會生產某種有毒化學物，令某個唔起眼嘅喜劇演員變成皮膚慘白、綠色頭髮、變態凶殘嘅小丑。
網上圖片
網上圖片
呢間「ACE Chemicals」其實係喺加拿大嘅一間退役發電廠「Hearn Generating Station」度取景，但其實呢《自殺特攻：超能暴隊》小丑同小丑女嘅「化學婚禮」都係喺同一間發電廠度最景，唔怪得睇落熟口熟面啦。
