【復４】羅拔唐尼話最後八分鐘係MCU史上最精彩場面？
所以話以訛傳訛就係咁喇！
AP圖片
《復仇者聯盟4》就嚟要上畫喇，戲中一眾主演都四圍去宣傳新戲，例如早前佢地就己經去左首爾同上海嘅發布會。近日羅拔唐尼就接受英國網媒《The Upcoming》訪問，佢喺訪問度話：「最後八分鐘嘅場面係成個MCU系列最精彩嘅，因為所有人都有份參與。」
網上圖片
不過，就咁睇個《The Upcoming》嘅訪問片段同文字稿的話，同個個都以為羅拔唐尼係劇透緊《復仇者聯盟4》嘅最後八分鐘嘅片段，有觀眾留言大鬧《The Upcoming》有心誤導觀眾，畀人鬧完之後佢地先至改返啱個訪問片段標題。
網上圖片
其實羅拔唐尼喺片段係講返《復仇者聯盟3：無限之戰》嘅事，佢喺訪問中大讚羅素兄弟導演真心熱愛《復仇者聯盟》系列嘅電影，仲喺呢個系列作度堅持工作左六、七年時間。
網上圖片
而羅拔唐尼仲喺訪問度講話無論大人定小朋友都會鍾意Marvel漫畫，因為唔單止講緊呢個世界嘅普世價值，而喺大家都將民主嘅美國夢投喺漫畫世界入面，所以大家都會喺Marvel作品入面揾到共鳴。不過之後羅拔唐尼忍唔住笑話咁樣太過複雜，佢話MCU總會想喺兩個鐘頭嘅片長之內去展現呢啲元素。
《復仇者聯盟4：終局之戰》將於4月24日喺香港正式開畫。
