福將辛祖轟入兩球 大埔作客2：1氣走富力首奪港超聯冠軍
後上反勝贏得驚險，恭喜大埔封王！
本網記者攝
大埔周六(5月4日)作客廣州燕子崗體育場迎戰R&F富力，雖然客軍一度被主隊前鋒迪布利單刀入球，但福將辛祖頭球追平攻入兩球反勝2：1，幫助球隊客場捧盃，最後一輪對夢想FC已成封王派對。
大埔今場開賽首10分鐘反客為主力壓富力狂攻，但急攻未有效果，反被富力連番攻勢壓住。35分鐘，富力中場白鶴罰球直射，大埔門將曾文輝單手托出。37分鐘輪到大埔的黃金機會，辛祖頭槌勁頂卻被富力門將周煜辰擋出，未能先開紀錄。其後大埔一次邊路攻勢不果，伊高沙托尼突破卻被盧均宜攔下，富力連隨傳送上前場予快馬迪布利，後者加速時推過飛鏟失敗的馮慶燁，單刀對住曾文輝抽入領先1：0，令一心贏波奪冠的大埔慘被打窒道氣。大埔上半場其後欲組織攻勢，但伊高沙托尼及勞高的突破都被富力嚴防，未能拉散對手製造殺機。
換邊後，大埔以陳肇鈞換入梁冠聰增強攻力，59分鐘勞高門前頭槌勁頂又被周煜辰飛身救出。下半場雨勢越來越大，之後大埔一輪急攻，78分鐘富力門將周煜辰單拳打出解圍，但是撞中辛祖的頭部頂入，大埔幸運地追平1：1，86分鐘辛祖轉身抽射再入一球成2：1，終於幫助大埔提早一輪封王。同日另外兩場，冠忠南區3：1氣走香港飛馬，降班隊凱景爆冷戰和傑志1：1。
本網記者攝
本網記者攝
大埔贏波首奪聯賽冠軍，以17戰38分排第1首度封王，富力以17戰33分排第2。大埔現時已經奪冠，最後一輪大埔將在5月19日下午2時30分在大埔運動場對夢想FC，大開封王派對。
