巨幕睇波更刺激更過癮 有線約球迷係商場一齊睇女排撐國家隊
睇巨幕真係唔同啲！
「FIVB 世界女排聯賽 2019」香港站賽事於6月4日起，一連三日假紅磡香港體育館舉行。有線集團作為本次賽的香港區獨家播映媒體，特別在4日晚於MCP新都城中心舉行中國女排V.S.日本女排的賽事直播，吸引不少市民入場內睇波。有觀眾覺得巨幕睇更過癮。亦有市民表示，本身唔識打，不過好鍾意睇女排，因為覺得中國女排精神特別令人鼓舞，要支持國家隊。另外有人約朋友一齊睇波，覺得人多大家一齊睇更有氣氛。
本網記者攝
有線邀請了藝人何天兒（Lily）、人氣 女子組合 Super Girls 成員 Yanny（陳穎欣）、香港開電視藝員李麗珊（Lisa）及鄺芷凡（Omi）到場與觀眾一齊觀看中國隊於香港站的第一場激戰，齊心支持國家隊。每一位靚女都有接觸過排球，不過有人落場打過， 有人就淨係鍾意睇。Yanny 表示自己本身不太會打排球，讀書的時候有打過，但對「 中國女排」有一種情意結，對孫玥、 周蘇紅等中國女排名將記憶猶新。其中最有印象的是趙蕊蕊， 她的扣殺威力驚人，令人佩服！
本網記者攝
作為嘉賓的順德聯誼總會鄭裕彤中學排球隊教練陳紹璣、現役香港隊員陳明慧、現役香港青年隊員黃思詠、學界六年六金運動員蔡淇淇在現場為觀眾作賽前分析。陳紹璣指，中國隊平均年齡比日本更年輕，佔有一定優勢，而身高則佔有絕對優勢，殺球高度與籃球籃框的高度相近。而且回顧近年發展，中國隊的實力成長得更快，變得較強，所以看好中國隊。港隊球員陳明慧睇好中國隊的左手大槌李盈瑩，「因為佢進攻能力強， 而且左手擊球會讓對手非常難適應」。
本網記者攝
現場坐滿觀眾，亦有很多觀眾圍在四周觀看直播。中國隊的進攻扣球威力巨大，現場聽聲非常震撼，博得陣陣掌聲。而日本隊的一傳和防守亦非常出色， 屢屢瓦解中國隊的強攻，觀眾也不禁發出「哇哇」聲，睇得相當投入。
本網記者攝
「FIVB世界女排聯賽2019」香港站賽事將於6月4日至6日假紅磡體育館舉行。
香港開電視和有線電視獨家播映本次賽事。開電視將直播所有中國女排與日本、荷蘭、意大利嘅精彩對戰。
鐘意排球嘅觀眾記得密切留意啦！
