尊尼特普轉型之作 素顏演出《The Professor》
終於可以唔洗再睇John Deep 化眼影妝喇！
網上圖片
荷李活巨星尊尼特普自從《加勒比海盜》系列之後都少有代表作，不過近年佢以《怪獸與葛林戴華德之罪》成功咸魚翻生，嚟緊佢又會有新戲上畫，一眾影迷又可以見到偶像演出。
網上圖片
尊尼特普主演新作叫做《The Professor》，因為香港電影發行商未有買片消息，所以仲未有官方譯名。《Katie Says Goodbye》導演Wayne Roberts 執導，尊尼特普主演。
網上圖片
《The Professor》故事關於係關於一個厭世大學教授Richard Brown（尊尼特普 演）放棄生活一切虛假嘅外物，決心改變人生。預告睇到佢去睇醫生嘅時候，醫生就話佢只係得返六個月命，所以佢就要自己盡情去做最大膽嘅事。佢開始唔理世俗眼光，做自己最想做嘅事，完全唔理後果，只要開心就得，甚至會相當瘋狂。
網上圖片
喺預告入面，尊尼特普會就咁行落湖同隻鵝沖涼，連堂都唔喺課室度上，返屋企就吸毒飲酒，務求要「搏盡無悔」。今次尊尼特普素顏上陣，唔再好似以前啲戲咁化晒妝畫晒眼線，用返真樣示人，喺職業生涯嚟講都算係轉型之作。至於除左吸毒飲酒之外，佢仲會做啲咩更瘋狂嘅事，就要等官方公布更多預告同劇照。
