大師之作《閃靈》續作即將上畫 Danny仔長大喺《Doctor Sleep》再戰惡靈
《閃靈》太經典，拎《Doctor Sleep》一齊比較就唔太公平。
網上圖片
經典作品《閃靈》續篇《Doctor Sleep》即將上畫，《Doctor Sleep》改編自驚慄大師史提芬京嘅同名小說，唔知道今次可唔可以再創由史丹利寇比力克導演嘅《閃靈》經典呢。
網上圖片
《Doctor Sleep》講述40年前喺全景酒店逃出生天嘅Danny長大之後嘅故事，今次電影由《迷幻列車》系列伊雲麥葵格、《職業特工隊》系列莉碧嘉費格遜主演，而且由美劇《陰宅異事》導演米基法蘭根執導同埋編劇。
網上圖片
即使過左40年，Danny 仍然活喺當年嘅陰影，佢一直都嘗試去重新生活。佢偶然遇到一個細路女Abra，同樣擁有「閃靈」嘅力量，遇到Abra之後，佢冇可能再過平靜嘅生活。Abra感應到Danny有同佢一樣嘅能力，所以四圍揾佢，因為佢希望Danny可以同佢一齊對抗Rose the Head同埋「The True Knot」。呢班人會綁架有閃靈力量嘅人，用殘忍嘅方式吸食佢地嘅精氣能力，從中得到永生嘅能力。
網上圖片
Danny和Abra決定聯手，要同Rose等人決一死戰，Danny決定要真正善用發揮佢嘅力量，但同時都要面對自內心嘅恐懼，同埋要喚醒以前喺全景酒店嘅亡魂。
網上圖片
