莊端兒舞台劇床戲「除剩底褲」：愈多酬勞愈激
性感大膽！
E-Kids成員阮民安（Tommy）轉型做策劃人，投資七位數與擔任監製的劉翁搞舞台劇《夜谷賓館營業中》，更搵來網紅歐陽仲豪（豪Dee）、林慧韡(達哥)、莊端兒(Xenia)及羅莽師傅等一起合演。莊端兒首次演舞台劇，已同豪Dee有火辣牀戲，仲係「除剩底褲」，Xenia坦言都怕豪Dee血氣方剛，演戲時有生理反應！
35E莊端兒首演舞台劇，講到明性感程度近乎底線。（網上圖片）
莊端兒同洛兒在舞台劇中，都有性感演出。（網上圖片）
改編自作家藍橘子網絡小說的舞台劇《夜谷賓館營業中》將於本月27至28日公演，故事講述達哥飾演嘅癲癲哋賓館老闆與幾位房客發生嘅「怪事」，亦會將香港近期發生嘅事放入去。Tommy笑言要三顧草蘆先搵到呢班大忙人幫手，尤其達哥係心目中首選：「我老婆好鍾意睇佢網上打機片段，覺得佢好好笑。」
洛兒演被排擠嘅OL，她自爆中學時試過被女同學排擠。（網上圖片）
Tommy笑言要三顧草蘆先搵到洛兒、達哥同莊端兒奉獻第一次。（網上圖片）
莊端兒演豪Dee女友，她坦言角色有啲「激動」：「唔知豪Dee出咗幾錢暗盤投呢個角色返嚟做？因為一開波場景就係牀戲，算係我幕前最大嘅突破。其實好睇Tommy畀幾多酬勞我，愈多可以愈激。」
Tommy笑說：「我睇外國恐怖片，女主角喺閨房冇乜着衫，仲要係咁跑喎！我諗唔會令觀眾失望嘅！」莊端兒笑住反問：「係咪好似速龍咁呀？不過當日影海報時，Tommy指導我面貼面靠近豪Dee，仲要將手搭住佢大髀，我見佢成個人硬晒，感覺到佢嗰股熱氣飄埋嚟。」Tommy大笑補充：「佢唔只一度硬，係全身硬晒軚，對住莊端兒郁唔到係正常嘅，所以我老婆唔畀我做呢個角色，（咁怕老婆咩？）咁結咗婚梗係要尊重另一半意見嘅。」
莊端兒同豪Dee影宣傳海報時，男方硬晒軚顯得非常緊張。（網上圖片）
有妻有兒的Tommy近年修心養性，乜都聽晒老婆話。（網上圖片）
