原來《反斗奇兵》角色原型係嚟自經典復古玩具
《反斗奇兵》系列根本就係恐怖片。
網上圖片
《反斗奇兵》系列大受全球各地唔同年紀嘅觀眾歡迎，其實電影入面嘅主要角色都係參考返真實世界嘅經典復古玩具。
1.胡廸
網上圖片
主角胡廸係參考左五十年代嘅美國電視節目《Howdy Doody》嘅木偶牛仔主角，而《反斗奇兵》嘅導演 John Lasseter曾經表示佢都有參考自己童年有玩過嘅扯線公仔，去創作胡廸。
網上圖片
喺《反斗奇兵2》出現嘅胡廸專屬節目《Woody’s Roundup》，相信係參考左六十年代嘅木偶牛仔節目《Four Feather Falls》，牛仔主角個名就叫Tex Tucker。
2.巴斯光年
網上圖片
胡廸嘅拍檔把斯光年就係參考左八十年代嘅 G.I. Joe系列動畫角色Deep Six，而且喺早期《反斗奇兵》嘅劇本設定入面，G.I. Joe嘅角色係主角，不過後來先畀巴斯光年代替。
網上圖片
而另一款類似巴斯嘅玩具就係八十年代推出嘅Rom the Space Knight。Rom嘅角色就係一個太空遊俠，佢着一套盔甲，同埋可以發射強力嘅光束去對抗敵人。
3.寶貝
網上圖片
寶貝係參考一個童謠故事嘅角色「Little Bo-Peep」（都已經唔係參考，連名都一樣），我地而家喺電影入面見到，胡廸同寶貝係情侶，但係原本劇本就唔係咁構思。本身彼思係打算要Barbie同胡廸一對，不過製造商美泰玩具就唔肯賣版權畀廸士尼，因為佢地當時覺得彼思動畫唔出名。
4.嘉比嘉比
網上圖片
今次嘅新角色嘉比嘉比表面上係大反派，佢角色係參考左六十年代嘅發聲拉線公仔Chatty Cathy，喺當時嘅美國係相當流行。而且，導演Josh Cooley都提及過佢都有參考經典恐怖劇集《迷離境界》（The Twilight Zone），入面嘅詭異人型公仔 《Talking Tina doll》。
5.勁爆公爵
網上圖片
今次其中一個新角色勁爆公爵係來自加拿大嘅特技人，其實佢係參考左七十年嘅經典玩具Evel Knievel。Evel Knievel係美國特技人，佢嘅角色設定係試過揸住電單車飛越七十五呎嘅斜坡。
6.賓遜
網上圖片
今集最大嘅驚嚇位相信都應該係來自賓遜，佢地一共有四隻，算係嘉比嘉比嘅手下。喺電影《書中自有魔怪谷》入面都有類似嘅公仔就叫"Slappy the Dummy"。不過，其實賓遜係參考左三十年代嘅腹語公仔Charlie McCarthy，表演者就係美國著名演員Edgar Bergen。
7.吱吱妹
網上圖片
新加入嘅吱吱妹係一隻細細粒嘅塑膠女警公仔，其實佢係參考左美泰旗下嘅玩具"Polly Pocket"。吱吱妹係《反斗奇兵》系列入面最細粒嘅玩具。
