賭王千金何超蓮貼地做生意:希望養起夥計一家

UP_PT @ UPower

超蓮直言努力搵錢,唔想攤大手板問屋企人攞!

何超蓮貴為賭王何鴻燊千金,又被喻為城中「最索千金」,但她向來不似一般千金小姐高高在上,反而相當貼地。她講明滿身名牌打扮只限工作,努力搵錢維持麵店生意同慈善工作,因不想問家裏拿;又自爆好睡得已練成「七秒入眠大法」,還指做生意有學父親賭王,目標是「養起夥計一家」。雖然每日行程逼爆,還被媽媽投訴不陪她,但她好享受,最搞笑是她因被網民指整容而勁嬲,句句寸爆網友,貼地又可愛。

蓮表示今次活動籌得的善款,會幫助情緒病患者,希望令更多人開心同發放正能量。

超蓮早前出席「Barbie 60周年」活動,因「恒隆地產」旗下旺角家樂坊的人氣餐廳Morokok及自助烘焙店Bake Your Own分別推出Barbie主題泰式美食及Barbie烘焙工作坊,為她成立的慈善團體「Smile With Us HK」籌款。她坦承小時候也是Barbie粉絲,但拿着Barbie和弟弟猷啟對打,「細佬會攞住《龍珠》的悟飯,Batman咁,我同佢隔空咁打,Barbie腳長咪踢腿囉!」自認男仔頭的超蓮,講到眉飛識舞。

超蓮早前出席「Barbie 60周年」活動,為真人版Ken扮靚。
何超蓮

外界見超蓮成日扮到靚靚,她澄清這個絕非真實自己,「我鍾意自然同簡單,最好唔好搞咁多嘢,當你係舒服望落都會靚啲。好多人搵我做嘢以為我係嬌嬌女,千金小姐,喺IG個形象好優雅,其實唔係我,我係男仔頭。」

 
 
 
View this post on Instagram

Throwback..... . . . [email protected] @ithk #ithk ? @tiffanyandco #TiffanyHK

A post shared by Laurinda Ho 何超蓮 (@laurinda_ho) on

超蓮更講明絕非賺錢買花戴,「我嘅『Smile With Us HK』除咗搵人捐錢,我自己都有捐㗎!好大部份工作嘅錢攞咗去捐,牛肉麵店又有4個人幫我做啲文書,我都要出糧畀佢哋,唔通攤大手板問屋企人攞咩?舖頭仲有10幾個員工,全部都係負擔嚟,你以為我真係唔使做呀!」

事先講明訪問不談感情事,還說組織自己家庭好遙遠的超蓮,談到工作就滔滔不絕,連日程表都不介意公開,更因工作太忙搞到被媽咪投訴,好彩她好睡得,「我只要喺香港,時間任秘書幫我排。(攞住時間表講)見到中間兩日冇嘢做先放假,我放假就係瞓覺,呢個係我最大嗜好,比起玩呢個更重要,啲人咪成日話補唔到,我係得㗎!我七秒就一定瞓着,化妝、坐車、搭飛機都瞓到,所以咪俾我媽投訴,返到屋企坐喺梳化又瞓咗。(唔會想同侄女TT(弟弟猷啟女兒)玩?)佢仲未有咩反應,係個好易喊嘅粉團。」

4月時,超蓮公開跟內地男星竇驍拍拖,但這次訪問事先聲明不談感情。
超蓮講起工作和生意,就相當興奮。
超蓮跟家人感情好好,特別是龍鳳胎弟弟猷啟。

講到生意,超蓮的管理哲學有受「賭王」影響,她不會擺老闆格,當員工好似朋友一樣,「我嗲哋仲癲,你係我夥記我就養你全家,你啲仔女大個就返嚟信德做嘢,呢個係我目標。」她又謂最近媽媽在麵店出現,「最近有個叫『何太春卷』,因為我哋整極個春卷,都冇媽咪細個整畀我哋食嗰個咁好食,所以就出賣咗佢個食譜!」她謂今年舖頭會在旺角再開分店,下年打算進軍內地巿場到上海開舖,至於善團就會拓展到澳門。

超蓮做生意有受賭王何鴻燊影響,更視父親為學習對象。資料圖片

超蓮又自爆為舖頭試菜,搞到要節食好辛苦,「試完菜就冇得食,所以好陰功,都有做高溫瑜伽同拉筋,唔會做太大運動量,因為我對腳好多肌肉,我梗係唔係天生麗質,我呢啲肥底㗎!混血兒嘅辛酸,我平日盡量唔掂醬汁,同埋試緊輕斷食,細佬一星期瘦咗2kg。」不過,比起肥,她更介意人話假,「我個死人下巴,成日俾人話我假!嬲!邊忽似假啫!最憎人話我整容,連雙眼皮都話我整,我咁多摺你整番啲摺畀我睇啦!嬲!所以我會執到下巴短啲先放相。」

超蓮的台灣麵店開幕三太都有撐場,最近連「何太春卷」食譜亦為愛女公開。
何超蓮

Facebook Conversations