【韓國新片】《惡霸 魔警 殺人狂》警黑合作追捕變態殺人犯
韓國都有警黑合作，係唔係意味住警察同黑社會係同一類人？
網上圖片
韓國犯罪電影《惡霸．魔警．殺人狂》(The Gangster, The Cop, The Devil)，由馬東石主演、金武烈、金成圭主演。電影改編自韓國真人真事，劇情講述喺一個小鎮入面出現左一個連環殺人犯，就連黑幫大佬張東洙 (馬東石 飾)都遇襲，為左報仇，呢位黑社會大佬主動揾重案組警察鄭泰錫( 金武烈 飾)合作，齊齊發散人馬追捕凶手。果然係警黑一家親。
網上圖片
《惡霸．魔警．殺人狂》喺韓國大收兩億港紙票房，因為劇情吸引，而且馬東石又係票房保證。喺電影入面，差人金武烈唔想保馬東石，喺執勤嘅過入面由大家唔妥大家，到最後攜手合作，拘捕殺人犯。
網上圖片
電影早就喺韓國同台灣上畫，香港就喺《夏日國際電影節》放映，導演李元泰同馬東石之前去台灣宣傳，馬東石就表示好少接觸到警黑合作嘅題材，而黑幫大佬嘅角色係一個有正義感嘅壞人，覺得相當有趣。而家嘅黑社會支持警方執法之餘，仲非常愛國，即使入面有好人都唔出奇。
網上圖片
原來導演係同馬東石相識十幾年嘅好朋友，今次嘅角色專門為馬東石而設。喺導演眼中，馬東石係個好有義氣嘅人，又有正義感，唔會好似黑社會咁惡。
網上圖片
