《AV帝王》令人熱血沸騰嘅AV故事 拍AV都可以改變世界?

Leng Zai @ UPower

曾幾何時,香港都有AV工業。

網上圖片

Netflix新劇《AV帝王》,由山田孝之主演,講述日本AV祖師爺村西透嘅故事,而仲發明左唔同體位招數,仲拍埋主打女性觀眾市場嘅作,而且仲為左拍AV而多次惹上官非。村西透呢位AV大亨,完全改變世界色情產業。

網上圖片

可能好多觀眾都會覺得村西透應該係天生淫蕩,但《AV帝王》為我地揭開呢位傳奇人物嘅神秘面紗,喺第一集我地就見到一個怕醜仔,為家庭努力工作,仲一位願意傾囊相授推銷技巧嘅好同事,所以嘢睇落都好順利,但原來都只係南柯一夢。

網上圖片

霎時之間,同事穿櫃桶底走佬,搞到公司執笠,仲因為自己滿足唔到老婆,搞到戴綠帽。家長事業一下之間無影無蹤,村西透變成雙失中年。終於喺一次偶然嘅機會之下,村西識到古惑仔阿敏,佢成日喺賓館偷錄住客偷食嘅音帶去賣。村西因為咁而發現左商機,佢諗到將性慾包裝成故事,然後再當商品賣,可能會殺出一條財路都唔定。

色情業係人類最古老嘅行業,幾千年以嚟人類都已經會利用自己嘅身體賺錢。但係村西唔係打算開馬欖,佢係出版咸書,拍錄影帶,將色情娛樂推銷出去。

網上圖片

山田孝之喺拍完《勇者義彥和魔王之城》轉型做左喜劇演員,擺脫偶像包伏之後就更加放開懷抱咁做戲,喺戲中佢仲全祼演出。喺戲中,飾演村西嘅山田孝之,佢見到女優用四隻手指自慰嗰陣,佢會叫人用三隻就得,因為用太多手指會受傷。佢見到女優黑木香堅持唔剃腋毛,但都冇覺得奇怪,仲讚賞對方勇敢做自己,非常靚。另外喺劇中,村西同居酒屋嘅老闆娘發生關,因為對方係個寡婦,必須要獨力撐起頭家,村西用自己嘅身體慰藉呢位寡婦,而且仲扮演埋對方嘅老公。事後寡婦仲喊住向村西講「多謝」,呢幕打動唔少觀眾。

喺《AV帝王》入面,唔係賣弄色情,而係夢想。相信每個觀眾都會畀呢位AV宗師嘅發跡史打動,努力為自己理想進發。

(註:村西透本人因為誘使未成年少女拍AV,喺美國惹上官非,呢樣嘢大家唔好學。)

網上圖片

《AV帝王》喺Netflix上架第一季,因為反應熱烈所以有傳會推出第二季,大家可以睇住第一季先。

Facebook Conversations