【7.14約會】五大南韓都市傳說 首爾站有個阿婆帶你見識新世界
又到左七月十四盂蘭節，今次就同大家分享下韓國嘅五大都市傳說，嚟緊如果喺鬼節去韓國旅行嘅時候可以留意下。
1.首爾站阿婆
網上圖片
傳說首爾站附近經常會有一班阿婆出沒，專門向男人「拉客」，同人地講話有後生妹妹提供。如果男人落踏之後，呢啲阿婆就會帶客人到首爾站後面嘅後巷，裏面有一間房。入到去之後，妹妹就見唔到，淨係得一條冇手冇腳嘅女屍。
2.教會迷魂風扇
網上圖片
傳聞喺今年年頭，有人收左某間教會喺街度派嘅風扇仔後就失蹤。據聞嗰間教會嘅信徒會喺風扇業上面塗上迷暈藥，如果擺部風扇擺近落塊面到就會暈低，之後就會有人假扮係事主嘅朋友，再帶人上車。之後就冇人知發生咩事。
3.吹風扇會死
網上圖片
傳說喺近一百年前，當時韓國嘅報紙發明一種新病名叫「風扇病」。當時韓國啱啱開始引入電風扇，有報道就話吹風扇會弔「頭痛、神經麻痺、瞓着覺吹風扇仲會令到自己會有生命安危」。呢個「新聞」慢慢散播開去，令到好多人覺得喺密封嘅室內吹風扇會死。
4.自由路女鬼
網上圖片
傳聞喺接壤首爾同京畿道坡州市嘅自由路，有疑似女鬼出沒，藝人朴熙真、卓在勛都話有見過。離遠睇會以為隻鬼係一個戴住黑超嘅女人，但行埋再睇真啲的話，其實眼球嘅位置係兩個大黑洞。呢件事曾經令到全城恐慌，有電視台仲請埋師傅到場作法超渡。
5.扮聲鬼
網上圖片
呢個傳說曾經改編成電影《仿聲靈》，傳聞指喺韓國萇山入面住左一堆可以扮人類聲音嘅鬼怪，利用人對親人嘅思念，扮死去嘅親人嘅聲音，引人入去山洞入面，再殺死佢地。
