星球大戰外傳劇集《The Mandalorian》即將上線！
今次劇集係講Jango同Boba Fett嘅種族故事。
網上圖片
由佐治盧卡斯（George Lucas）一手打造嘅《星球大戰》系列電影，自從迪士尼收購左版權之後，唔但止推出左全新嘅正傳三部曲、外傳電影，嚟緊仲會拍埋第一部人版劇集《The Mandalorian》。除左角色設定同故事架構之外，星戰系列嘅實體飛船、模型、模型公仔都大受觀眾歡迎，但係由於科技發達嘅緣故，近嘅視覺特效都用電腦最代。
網上圖片
所以《The Mandalorian》嘅製作人《鐵甲奇俠》導演莊法維奧（Jon Favreau）早前接受外媒THR訪問嘅時候表示，對於創作人嚟講，去唔去到一個真實嘅環境，都會影響到人性嘅元素。
莊法維奧：「《The Mandalorian》嘅主角有特定嘅嘅外觀，飛船都有特定嘅大細，整體規模都同元祖三部曲係一致。我希望可以呈現到第一部電影嘅美學風格。喺塔圖因上面係咩樣呢？喺酒館入面會發生咩事呢？當我仲好細個嗰陣已經覺得好有趣，而且我都好鍾意星戰比較黑暗、奇怪嘅一面，就好似《末日先鋒》（Mad Max）嘅風格去呈現星戰。」
網上圖片
另外，莊法維奧仲講埋《The Mandalorian》嘅創作過程，佢表示喺同迪士尼簽合同之前，佢已經寫好左四集劇本，因為一定要對方同意佢嘅劇本嘅前提下，佢先願意拍呢部劇集。寫完劇本之後，佢仲要去執導《獅子王》，因為電視劇嘅製作模式令佢可以用監製身分參與。佢形容自就好似一個主廚，分派唔同嘅人去做合適嘅工作，而佢就負責監督同幫手，將成品呈現畀觀眾欣賞。
網上圖片
「呢個亦都係迪士尼做到咁大嘅原，而且Disney+面世，有個機會可以講一個比起傳統電視規模更大嘅故事。但係我唔係想做到好大製作咁樣嘅作品，對於我嚟講，我心目中嘅星球大戰唔係嗰種類型，啓發我嘅星戰係以新嘅角色嚟描寫比較細微嘅事。」
網上圖片
《The Mandalorian》背景設定喺帝國沒落之後，第一軍團崛起之前，故事講述一個孤獨嘅槍手為左逃離共和國嘅艱苦歷程。主演包括《毒梟》Pedro Pascal、《移動迷宮》系列Giancarlo Esposito、《死侍》Gina Carano、同埋仲有德國殿堂級導演華納荷索（Werner Herzog）。
網上圖片
導演團隊就有《星球大戰：反抗軍起義》（Star Wars Rebels）Dave Filoni、《雷神索爾3：諸神黃昏》Taika Waititi等等。《The Mandalorian》將會喺十一月十二日同Disney+一齊面世，可謂開山作，而家已經開發緊第二季。
