《小丑回魂2》首輪影評勁踩：全年最失望之作！
拍電影兩大難題：小孩與狗，因為呢兩種生物都好難控制，會阻住拍攝進度。但估唔到《小丑回魂》嘅導演搞得掂細路，搞唔掂班大人。
網上圖片
由《屍人保姆》導演Andy Muschietti執導嘅《小丑回魂》，喺2017年上畫嗰陣叫好叫座。當時連原著作者史提芬京仲力讚，電影喺美國仲打破埋《死侍：不死現身》嘅R級電影票房紀錄，全球票源高達7億美金。
網上圖片
《小丑回魂2》即將喺香港上畫，喺美國就已經正式公映，但係美國票房首輪評價毀譽參半，甚至有評論認為呢部電影係2019年最失望電影，點解會咁呢？
網上圖片
今次《小丑回魂2》繼續由Andy Muschietti執導，今次故事嘅時間背景係自上集嘅廿七年之後，「廢柴同盟」嘅成員都長大成人搬離德利鎮。有一日，佢地收到來歷不明嘅電話，所以七位成員重返家鄉對付死敵潘尼懷斯。因為七位角色都變大人，而且上集成績斐然，所以今次就揾到明星參演，包括謝茜嘉謝西婷（Jessica Chastain）同埋占士麥艾禾（James McAvoy）。
網上圖片
其實大部人彈《小丑回魂2》係認為電影有童年嘅回憶片段，又有大個之後嘅戲份，結構雜亂，同埋電影時間又太長，不過今次嘅片長接近三個鐘頭，確實又係長左少少。雖然唔係個個都滿意，但係飾演Richie Tozier嘅標希達（Bill Hader）都受到各方讚賞，所有評論都認為佢做的非常出色。
網上圖片
《小丑回魂2》將於九月十二日喺香港上畫。
