元元同爸爸行街惹人愛 圓碌碌勁得意又識甜笑冧人

UP_PT @ UPower

元元就係可愛的代名詞!

李璨琛(Sam)的愛妻梁志瑩去年三月尾誕下小公主元元(Lucy),並養到囡囡如其名圓碌碌,有蠟筆小新面珠登加肉丸身形,cute到爆炸。李太還幫得意B女開了個社交網站,現時有逾8萬粉絲,連星媽謝安琪、鄭希怡等都日她粉絲,人氣勁過Daddy!

網上圖片
 
 
 
View this post on Instagram

今次真係去左7仔,擺返個pose先 #丁字腳 #hellokitty #melissahk #MelissaMDreams @melissamdreams

A post shared by 李元元 • LU 🐷 (@lucy.is.good) on

去年酒駕被判停牌的李璨琛,家中多了個萌爆baby都修心養性,變了深閨湊仔公。早前,阿Sam開拍港台劇《星星的孩子》時,提起囡囡即冧笑話元元已識得做家務,幫手掃地清潔,又大讚囡囡有好多BB用品贊助,幫他省下否少錢!至於會否追多一個?阿Sam就話:「順其自然啦!」

李璨琛12年和時裝設計師太太梁志瑩結婚,去年3月榮升新手父母。

日前周日下午3時許,阿Sam和太太帶可愛寶貝女出巡去了太古城同朋友high tea,同行有圈外好友一家三口、女友人,還有阿Sam好友、關秀媚男友李煒尚(前名李尚文)。一行八人食cake歎茶,但快17個月大的元元坐不定,不時想落地行。

快17個月大的元元坐不定。

見身穿裙仔的元元走來走去笑瞇瞇,就像開心果一樣帶歡樂給別人,引想不少食客上前撩她玩。阿Sam亦傍實囡囡同途人say hi又飛吻等,加上自細被媽媽訓練做「寫真小天后」,所以不怕鏡頭又不怕陌生人,絕對有潛質入行做萌爆星二代!

元元眼大大、肥嘟嘟勁cute。
元元仲會跟daddy講叫人哥哥又飛吻,冧死人。
李璨琛不時陪愛女行嚟行去,愛妻就負責影相
鍾意四圍行嘅元元,踏腳仔跳晒舞,夠funny。
鍾意四圍行嘅元元,踏腳仔跳晒舞,夠funny。

逗留40分鐘後,眾人起身離開,李太抱愛女坐上BB車,小朋友最不喜歡有束縛,無得四圍走的元元喊到拆天,要auntie上前氹才收聲。之後兩母女和友人行陣超市,阿Sam就獨自去取車接妻女,20分鐘後在門口會合。 

元元一坐車車就喊,連喊樣都可愛過人。
兩母女和友人行陣超市。
臨走前,元元又被兩女截停影相。

Facebook Conversations