【星球大戰】迪士尼宣布下年開拍Obi Wan劇集版 伊雲麥葵格做返主角
伊雲麥葵都仲扮到後生版Obi Wan嘅。係佢而家睇落年紀大左啲啫。
網上圖片
迪士尼買左Lucas Film 之後，一直都傳聞會搞Obi Wan 嘅獨立電影，經過多年嘅傳聞之後呢，近日有報導指迪士尼計劃喺旗下嘅串流平台 Disney+推出Obi Wan個人劇集，當然都會揾返伊雲麥葵格做主角。而且迪士尼喺佢嘅D23發布會上面已經確認左呢個消息，而Lucas Film嘅主席Kathleen Kennedy仲表示完經完成晒劇本，預備出年就會拍。
網上圖片
伊雲麥葵格喺星戰前傳三部曲：《星球大戰前傳：魅影危機》、《星球大戰前傳：複製人侵略》、《星球大戰前傳：黑帝君臨》飾演Obi Wan，另外佢喺《星球大戰：原力覺醒》入面就聲演返Obi Wan。
網上圖片
Obi Wan嘅獨立劇集係星戰系列嘅第三部劇集，第一部係Jon Favreau監製嘅《The Mandalorian》、第二部就係《俠盜一號：星球大戰外傳》嘅前傳劇集。
網上圖片
