區明妙獲封「港版周子瑜」:唔係咁鍾意呢個稱號 希望觀眾記得我

UP_PT @ UPower

年紀輕輕又有演技,佢就係區明妙!

網上圖片

無綫電視劇《她她她的少女時代》中,「少女版田蕊妮」區明妙(Stephanie)成為鏡頭注目的新星,青春無敵、爽朗氣質令大眾眼前一亮。年紀輕輕的她希望大放異彩,興奮表示:「我鍾意演戲!」

現實中,18歲的Stephanie剛中學畢業,喜歡演戲和跳舞,平日愛打扮,行街影相,是典型的可愛少女。問到演戲和跳舞哪樣較喜歡,「如果兩者比較,我鍾意演戲多啲!因為演戲可以試到日常生活你唔會做嘅嘢,之前拍戲試過跳海、跳樓,而喺《她她她》就試過打戲,可以學到好多東西,而且有趣啲!」

網上圖片

要認識一位新星,有時總會被貫上一些綽號讓大眾留下印象。Stephanie一雙明亮鳳眼、青澀笑臉、一頭微捲長髮,在訪問中,言談間帶點不經修飾的活潑,如果說她是「港版周子瑜」亦合理,但Stephanie堅稱想做自己,「其實呢,我唔係咁鍾意『港版周子瑜』呢個名,都係其他人俾嘅稱呼,我自己都唔覺得特別似,若果想觀眾記得我,我想佢哋記得我呢個人,而唔係話我似邊個,如果大家記得我係『少女版田蕊妮』,起碼大家係記得我做過呢套劇,呢個角色!」

Stephanie(圖左)被網友封為「港版周子瑜」。
網上圖片

在Stephanie的少女時代中,有什麼最青春的回憶,她坦言因為比其他同齡人較早接觸拍劇,因此錯過很多同朋有一齊玩樂的機會,缺席了一些學校活動,中學回憶亦遺失了一些。「如果要講最青春嘅事,我記得16歲時,參加過好多表演、拍劇等等。我覺得好充實,而且跟家燕媽媽去雲頂、新加坡、廣州登台表演,同朋友一齊採排到夜晚11、12點。表演完又一齊去慶功宴,一齊傾計,玩到通宵達旦。」

網上圖片

說到「家燕媽媽」,應該是Stephanie演藝上的啟蒙之窗。她憶述道:「記得13歲那年,第一次去家燕媽媽藝術中心,因為朋友想學演戲,我只係抱著陪朋友心態去玩,當時我都未開始鍾意演戲,演戲之前,我無諗過自己會做演藝方面的工作,都是打算讀書。」

網上圖片

Stephanie談起無數個「第一次」,「第一次試鏡前,我喺屋企熟讀劇本,背埋對手嘅對白,而最後亦幸運地選中我。另外,我第一次入TVB電視城,本應該有個PA姐姐帶我,但沒有,我自己唔識路,問人又答唔到,當時好迷惘,好彩最尾都搵到PA姐姐帶路。」

網上圖片
網上圖片
網上圖片
網上圖片

Facebook Conversations