《花木蘭》男主角安柚鑫亮相 佢到底係乜水？
唔知仲有幾多人會想睇呢套戲呢？
網上圖片
迪士尼經典動畫《花木蘭》改編成真人電影，由中國演員劉亦菲做花木蘭。男主角就係由一位冇人識嘅紐西蘭華人演員安柚鑫（Yoson An）演出。安柚鑫就唔係做動畫版嘅「李翔」，而係做全新嘅角色陳宏輝。
網上圖片
因為李翔喺動畫版有雙性戀之嫌，違反左中國嘅審查制度，所以迪士尼就創作左新嘅嘅角色「陳宏輝」。真人版《花木蘭》雖然同原版相當唔同，但今次有大量明星壓陣，包括甄子丹、李連傑同鞏俐。就算唔識安柚鑫都會有其他大明星睇下。
網上圖片
安柚鑫係紐西蘭人，廿七歲。雖然冇人識，但其實佢都做唔過唔少劇集，包括《Flat 3》、《Dead Lucky》、HBO劇《詭戀》。佢亦都曾經喺《臥虎藏龍：青冥寶劍》入面演出，同甄子丹合作。呢套戲冇咩人睇過，所以搞都安柚鑫都係冇咩人識。
網上圖片
雖然安柚鑫冇咩人識，而且又唔係話好靚仔，但佢仍然可以喺一眾嘅競爭對手入面脫穎而出，成功爭取《花木蘭》嘅男主角。最重要嘅係，雖然安柚鑫係紐紐西蘭人，但佢同好多香港人一樣，識講兩文三語，廣東話、英文、普通話都難唔到佢，喺拍攝嘅時候可以同來自唔同地方嘅演員同工作人員溝通。
網上圖片
今次迪士尼將真人版《花木蘭》定位成戰爭片，唔會好似動畫版咁會唱歌，所以電影自然會有大量嘅打鬥動作場面。安柚鑫原來係空手道黑帶，而且相當擅長自由搏擊，平時仲會舉重做GYM。紥實嘅功夫根底同體能令佢可以更加容易掌握呢個角色。
網上圖片
安柚鑫身高182CM，而且擁有鋼條身型，又唔會太大隻嚇親人。其實柚鑫苦練左三個月先由直桶身型，變成今日嘅鋼條形。而且佢相當鍾意戶外運動，尤其係游水、獨木舟、攀石都係佢至愛嘅運動。唔單止係咁，佢好鍾意畫畫，可以話係文武雙全。而且平時都鍾意影相、拍下短片咁。
網上圖片
