《第一滴血：終極血戰》不死英雄傳奇蘭保 仲剩幾多滴血？
嚟到今集已經係第五滴血。
今年係荷李活殿堂級動作巨星史泰龍從影五十周年，佢兩大系列代表作《洛奇》同《第一滴血》，前者就完滿落幕，而後者嚟到第五集《第一滴血：終極血戰》繼續血戰墨西哥毒梟。
網上圖片
《第一滴血》系列唔係史泰龍最賣座嘅電影系列，四集加埋票房總共7.27億美元（約56.7億港元），同《洛奇》或者《轟天猛將》差好遠，但都無限史泰龍對於蘭保呢個越戰老兵嘅熱情。
網上圖片
對於史泰龍或者FANS嚟講，患有PDSD嘅越戰老兵蘭保先係最有深度嘅角色。蘭保每次出手都係為左保護其他人，例如前上司、越戰戰俘、畀緬甸軍隊屠殺嘅義工。今集蘭保繼續救人，原本金盤洗手嘅佢為左救老友個女，被逼重上沙場，單人匹馬挑戰墨西哥毒梟，殺到滿城血雨。
網上圖片
史泰龍當年自編自演《第一滴血》嘅時候成日Show肌肉，而七十三歲嘅佢唔通仲要賣肉？喺預告睇到，老年蘭保着住格仔恤衫寬邊帽，成個西部牛仔咁款。蘭保全新嘅造型，相信都畀到FANS有新鮮感。
網上圖片
嚟到結局編，蘭保為左激戰墨西哥毒梟，用晒以前用過嘅軍刀、弓箭、長短槍，甚至整埋殺人陷阱。以前做過嘅嘢全部返晒嚟，務求為大家帶嚟集體回憶。
網上圖片
《第一滴血：終極血戰》打住結局嘅旗號，究道蘭保會唔會走血悲劇英雄嘅命運，為左救人而犧牲自己。定好似「洛奇」咁將拳王之名交畀後輩繼續承傳？
