• U生活

【天網恢恢】追兇30年《殺人回憶》真兇終於落網

2019年09月20日 09:57 pm

Leng Zai @ UPower

全世界都知有殺人，但都入唔到罪。

《殺人回憶》改編自韓國三大懸案之一「華城連環殺人案」，喺1986年9月15日至1991年4月3日之間，京畿道華城附近嘅村落五年間有十個女士被姦殺，得一個人生還。呢單長達三十三年嘅懸案，南韓警方喺9月18日宣布揾到兇手兼公開佢個樣貌。

韓國警方喺一個月前重新調查「華城連環殺人案」嘅證據，發到遇害人嘅衣物有第三嘅DNA，再交由國立科學搜查研究院，經對比後發現DNA同而家坐緊監嘅五十幾歲姓李嘅男人一模一樣，警方仲公開埋佢個樣。

呢個姓李嘅兇手行兇手法極度殘忍，第一宗謀殺案喺1986年9月14日發生，一個69歲嘅阿婆喺返屋企嘅途中畀佢勒死，遺體下半身赤裸瞓喺田入面，手腳仲以X字綁實。之後五年都繼續出現受害人，年齡由13歲至69歲。兇手將唔同嘅異物塞喺死者陰道，包括九塊蜜桃、叉、湯匙同原子筆，而凶手會用襪、手巾或者底褲塞住受害人嘅嘴。

不過，因為係有法律追訴期，呢單案件喺2006年已經過左追訴期限，所以而家算發到兇手都係冇用。雖然係咁，但韓國警方表示已經成立左一個57人嘅調查小組，唔單止會重新檢驗所有證據，亦都會審問呢為「疑犯」。

呢嗰姓李嘅兇手喺1994年姦殺自己老婆個妹之後棄屍，被判無期徒刑，目前仲坐緊監。因為「華城連環姦殺案」已經過左追訴期限，所以警方唔可以再用呢單案件去起訴兇手。今次總共有三件證物驗到呢位兇手嘅DNA，分別係：1987年嘅第五單案、1988年嘅第七單案、同埋1990年嘅第九單案。但係兇手早前接受調查嘅時候仲死撐話自己同咁多單姦殺案冇關，希望韓國當局可以修例等真凶受法律制裁。