Marvel準備打造全新系列《星戰》宇宙 會有MCU超級英雄加入？
會唔會又拍爛一代經典？
網上圖片
《星戰》系列嘅結局篇《星球大戰：天行者崛起》(Star Wars: The Rise of Skywalker)將會喺12月19日喺香港上畫。話就話係結局，不過早前有消息指Marvel總裁奇雲費治(Kevin Feige)將會開始全新嘅《星戰》三部曲。好多MCU 影迷知道呢個消息之後就相當興奮，個個都問會唔會有Marvel超級英雄加入《星戰》宇宙，同埋勁期待MCU式嘅《星戰》。
網上圖片
迪士尼喺2012年買起左盧卡斯影業（Lucas film），《Hollywood Reporter）報導盧卡斯影業總裁卡芙蓮甘乃迪(Kathleen Kennedy)一直想搞個《星戰》宇宙，而且奇雲費治係星戰忠實FANS，所以促成今次合作。
網上圖片
有消息指奇雲費治已經聯絡左其中一個MCU嘅主演，希望呢位演員可以喺新嘅《星戰》系列入面做某個特定角色。好多人就估呢位演員可能係是「Marvel隊長」貝兒娜森(Brie Larson)，因為佢曾經喺訪問入面表示相當之鍾意《星戰》系列，仲話想做絕地武士。而且佢仲有出席星戰主題公園嘅開幕儀式，又拎埋光劍，扮絕地武士留影。
網上圖片
