五大香港撞樣男明星 其中兩位餅印咁樣

Leng Zai @ UPower

有好幾個配對都似係失散多年嘅兄弟。

早前本網分享左荷李活撞樣女星,今次就講下香港撞樣嘅男星。

1.王大陸 森美 Otto  小肥

網上圖片

早前王大陸好紅嗰陣就己經畀人摷到原來佢到森美撞晒樣,不過後來大家發現,原來王大陸唔單止同森美似樣,仲同Otto、小肥一模一樣。

2.劉德華 江華

網上圖片

劉德華同江華唔止個名似,甚至連個樣都似,雖則而家江華轉行賣保險,但都相信大家都好歡迎佢復出拍戲。

3.王祖藍 黃光亮

網上圖片

佢兩個似樣到直頭要開套劇扮兩父子。

4.古巨基 孫中山

網上圖片

中史堂惟一嘅樂趣就係揾睇名人舊相,相信眼利嘅同學一早就已經發現古巨基同孫中山一樣樣。

5.向佐 蕭敬騰 向華勝 

網上圖片

唔講唔覺,原來台灣歌王蕭敬騰同向佐父子成個餅印咁樣。唔單止係咁,蕭敬騰仲同向家熟到不得了,向氏夫婦仲收左蕭敬騰做契仔。向華強70大壽嗰陣,人在異地開演唱會嘅蕭敬騰仲錄埋片唱晒歌賀壽,向氏夫婦仲成日去蕭敬騰演唱會撐場。

網上圖片

而且蕭敬騰同向佐都相當老友,向佐同郭碧婷求婚嗰陣仲專程要蕭敬騰在場見證求婚過程。

網上圖片

呢兩位係蕭敬騰嘅親生父母,擺出嚟畀大家睇下,費事有咩誤會。

Tagged:

Facebook Conversations