【韓劇】《山茶花開時》孔孝真之死
推理懸疑浪漫愛情劇集。
最近熱播韓劇《山茶花開時》，由「韓劇女王」孔孝真同姜河那主演，呢套劇喺韓國成績斐然，收視率超過百分之十，成位為當地電視台收視冠軍。
網上圖片
戇直差人黃龍植(姜河那 飾)，由首爾畀人燉冬菇去守鄉下，雖然佢自己一直都鍾意城市OL女仔，但返到鄉下地方就對女主角一見鍾情，但係女主角東柏（孔孝真 飾，角色名係山茶花嘅韓文名)原來係個未婚媽媽，佢自己帶住囝囝弼久到遠離都市嘅鄉下地，開左間叫「Camelia」嘅居酒屋。「Camelia」相當多男人幫襯，做左六年仲係咁好生意。母兼父職嘅東柏生活艱苦，男人客人成日都會騷擾佢，一班鄉下婆又會怪佢勾引自己老公。龍植見到東柏咁辛苦，下定心要保護東柏。
網上圖片
表面睇落《山茶花開時》係個溫暖人心嘅愛情故事，其實係推理懸疑劇。劇集一開頭就交代左有一具鎖住手鏈嘅屍體畀人抬出，原來係五年一現嘅殺人狂「得戚男」又再行凶，龍植去到現場見到屍體情緒激動，仲預計會繼續有人遇害。因為受害人都曾經畀人話過「唔好太得戚」，所以凶手就有「得戚男」呢個外號。但係隨住劇情發展，好多地方都暗示東柏就係受害人。大家睇呢套劇除左可以睇男女主角嘅愛情線之外，仲可以齊齊推理揾凶手。
網上圖片
《山茶花開時》逢星期三、四 Netflix 更新
網上圖片
