原來娃鬼都有脫髮煩腦 ? 十個鮮為人知嘅恐怖片彩蛋

Leng Zai @ UPower

幫卓奇用髮再生會唔會令佢冇咁大怨氣?

網上圖片

到左十月份,就嚟到Halloween,係時候要重温下經典恐怖片,今次就同大家分享下十個恐怖片嘅彩蛋同一啲幕後逸事。

1.《人類升級》(Upgrade) 

網上圖片

《人類升級》喺香港冇正式上畫,只係發行過DVD。喺電影某場口會見到間屋入面嘅牆度,噴左Jigsaw公仔。因為導演Leigh Whannell做過《恐懼鬥室》嘅編劇兼演員,呢個彩蛋算係呼應返自己有份參與嘅作品。

2.《上流寄生族》、《末世列車》

網上圖片

喺奉俊昊導演嘅《上流寄生族》入面提到,朴家嘅豪宅係由一個叫「南宮」嘅建築師設計,而導演嘅另一部作品《末世列車》,戲中列車嘅設計師都係叫南宮。

3.《笑死人凶間》(In Shaun of the Dead) 

網上圖片

《笑死人凶間》有Coldplay嘅主音Chris Martin宮串演出,佢喺戲入面係飾演一隻喪屍。

4.《閃靈》(The Shining)

網上圖片

我地見到《閃靈》嘅預告入面有經典嘅電梯血海嘅片段,但係當年嘅美國審查條例規定預告片唔可以出現任何同血有關嘅畫面。所以導演史丹利寇比力克 (Stanley Kubrick) 就話嗰啲係「鏽水」唔係血水。

5.《屍人保姆》(Mama) 、《小丑回魂》(It)

網上圖片

導演Andy Muschietti表示Amedeo Modigliani嘅畫係佢童年噩夢,成為左佢嘅靈感來源,所以喺佢導演作品《屍人保姆》同《小丑回魂》入面會見到詭異畫像。

6.《娃鬼回魂》(Child’s Play)

網上圖片

《娃鬼回魂》絕對係經典恐怖片系列,但係卓奇嘅髮線就隨住年月不斷後移,劇組都安排左唔同嘅道具去配合卓奇嘅髮量。

7.《恐懼鬥室》(Saw)

網上圖片

喺《恐懼鬥室》入面,瞓喺浴室嘅「屍體」睇落似係用手槍自殺,不過其實呢把左輪手槍係冇彈殼,其實電影一早就暗示左最後嘅大扭橋。

8.《孤疑》(Orphan)

網上圖片

《孤疑》嘅海報設計係專登用左鏡面反射效果去對齊Esther嘅臉套,兩邊臉完全對稱令人覺得更加詭異。

9.《月光光心慌慌》(Halloween) 

網上圖片

喺2018年嘅《月光光心慌慌》,Laurie 個孫女Allyson提議屋企要擺聖誕樹,直跳過萬聖節,喺電影嘅尾段見到Allyson已經着住件聖誕節風格嘅冷衫。

10.《末世街10號》(10 Cloverfield Lane) 

網上圖片

喺《末世街10號》侯活、米雪同埃文對質嘅時候,侯活已經戴左手套,暗示不論傾成點都好,佢都一定要殺死埃文。

Tagged:

Facebook Conversations