【衰仔樂園】HBO無懼封殺 43億搶購獨家播映權

Leng Zai @ UPower

其實唔洗舐到咁盡都可以發達嘅。

網上圖片

早前外媒 EW 同埋 Variety報導,美國多間串流平台爭奪《衰仔樂園》(South Park)嘅獨家播映權(只限美國),最後由華納旗下嘅HBO Max成功投標,以5.5億美金成交,即大約43億港幣。

網上圖片

《衰仔樂園》廿三季全集將會喺2020年6月上架HBO Max,即將出街嘅第廿四至廿六季亦都會 Comedy Central播完之後嘅廿四個鐘喺HBO Max上架。

網上圖片

《衰仔樂園》連續六年蟬聯美國有線電視台黃金時段喜劇收視冠軍,深受各地觀眾歡迎。《衰仔樂園》向來以諷刺時政而聞名,喺十月二日播出嘅第廿三季第二集嘅《Band in China》,就直接抽擊中國獨裁體制,咁當然即刻畀中國封鎖。有網友就指喺微博已經揾唔到同《衰仔樂園》嘅相關資訊,就連「 S23E02 」都揾唔到。可能因為得罪中國,動畫團隊喺十月八日已經發出「道歉」聲明,搞到全球fans笑到肚痛。

網上圖片

《Band in China》呢集講述劇中角色想到中國發大財嘅故事,但係各人就有唔同嘅遭遇。Stan個爸爸Randy就想去中國賣大麻,去到機場就畀海關捉左去集中營,喺入面仲見到小熊維尼同豬仔,之後仲見埋熱愛人民幣嘅米奇老鼠,Randy從中領悟到要成功喺中國做生意嘅真締。

網上圖片

同一時間,Stan同班朋友夾左隊BAND,之後有電影公司睇中想改編佢地嘅故事做傳記片,但係就要不停改劇本迎合中國市場嘅審查制度。最後Stan同一班bAND友決定唔可以為錢而出賣靈魂,決定唔拍傳記片。

雖然《衰仔樂園》畀中國封殺,但係似乎無損各大公司投標意欲,個個都用天價爭奪獨家播映權,唔通啲大公司全部嫌自己賺得大多錢?

《衰仔樂園》道歉啓事
網上圖片

Tagged:

Facebook Conversations