原來劇組開頭唔想揾基斯伊雲斯做美國隊長 另一個隊友先係心水選擇
好彩唔係揾佢做美國隊長。
網上圖片
早前迪士尼旗上嘅Disney+正式開「開張」，多部經典迪士尼電影都有上架，包括MCU嘅作品。觀眾除左可以重温舊作之外，仲可以睇埋某啲作品嘅幕後花絮。例如睇返《美國隊長》嘅花絮就知道原來當年隊長嘅人選並唔係基斯伊雲斯。
網上圖片
MCU嘅作品喺Disney+上架，除左電本身之外仲有唔少刪剪片段、幕後花絮同埋工作人員訪問，喺呢片段入面睇到原來美國隊長嘅最初人選唔係基斯伊雲斯，而係基斯柏特。雖然做唔到美國隊長，最後都可以做到星爵，成為復仇者其中份子。
網上圖片
喺其中一條花絮入面，擔任選角導演嘅Sarah Finn提及佢當年為MCU嘅工作，佢原本想揾基斯柏特做美國隊長，雖然柏特唔係最完美嘅人選，但係佢試鏡嗰陣非常有趣，相當受歡迎。
網上圖片
後來Sarah突然心血來潮，覺得星爵更加適合基斯柏特。不過，當時柏特相當唔識做，直接拒絕試鏡，要人又囈又篩先肯去試鏡。到柏特肯試鏡，但又輪到導演唔想要佢，搞到Sarah好頭痕。
網上圖片
最後Sarah企硬，堅持基斯柏特係做星爵最佳人選，後來導演決定親自同柏特見面，十秒之內就肯定佢就係星爵最佳人選。而事實證明，好彩星爵最後冇走去做美國隊長。
