【復4】最新核彈級刪剪片段 古一大師話你知其實魁隆仲未死！
死唔斷氣就咁解。
網上圖片
迪士尼串流平台Disney+最近正式開張，Marvel Studios十周年大作《復仇者聯盟4：終局之戰》已經有得喺Disney+睇，當然仲有好多刪減片段曝光，除左早前兩段黑寡婦壯烈犠牲同埋鐵甲奇俠啪手指揾大個左嘅Morgan Stark之外，最近釋出多一段核彈級嘅刪減片段。
網上圖片
呢次嘅刪減片段係關於古一證實左化灰嘅魁隆其實係冇死到。喺片段睇到，變形俠醫揾古一幫手，古一解釋如果整走左無限寶石會有一條新嘅時間線出現，喺呢度嘅古一唔同《奇異博士》，佢更加了解未來，仲可以用寶石睇到自己死左之後嘅畫面。
網上圖片
古一仲提到其實啪手指唔係實際殺死人，只係將人「被消失」，因為人死左就唔可以返生，所再啪多一次手指就會令「被消失」嘅人重現人間。但係好似黑寡婦咁樣犧牲自己拎返心靈寶石，點啪手指都唔會令佢返嚟，因為佢真係死左。
網上圖片
所以古一就話其實魁隆其實冇死，因為鐵甲奇俠只係將佢變成灰。所以理論上只要MCU仲有無限寶石的話，魁隆就會有機會翻生，再次將世界一半生命化成飛灰。
網上圖片
