【Marvel】施嘉莉祖安遜原本冇得做黑寡婦 湯賀蘭擊敗2000人先扮到蜘蛛俠

Leng Zai @ UPower

喺香港如果電影公司要影帝試鏡的話,相信唔會有人肯應承。反觀荷李活個個巨星都會爭取試鏡,呢啲係就專業同業餘嘅分別。

網上圖片

施嘉莉祖安遜(Scarlett Johansson)已經做左好多年黑寡婦,出年終於有第一部擔正嘅MCU作品《黑寡婦》,不過當年佢之所以拎到呢個角色,係因為原本嘅心水人選艾美莉賓特(Emily Blunt)辭職,最近佢喺訪問入面都證實呢件事。

網上圖片
喺《名利場》嘅專訪入面,施嘉莉就話當年即刻就去左Marvel試鏡,但係當時對方揀左艾美莉賓特。Marvel工作人員打電話通知佢落選,搞到佢非常失望。不過佢就話自己都有好多次落選經驗,惟有繼續過生活。
網上圖片
之後因為艾美莉有左BB,而且之前已經同霍士簽約要做《小人國大歷險》(Gulliver's Travels),所以最後惟有向Marvel辭職。之後施嘉莉出盡全力爭取角色。
 
網上圖片
施嘉莉就話自己冇怨天尤人,佢後來又見返導演Jon Favreau,導演同施嘉莉講其他劇組冇放棄過佢。當知道呢個消息之後就開始做好準備,展開始一連串訓練,最後順利入到《鐵甲奇俠2》嘅劇組。
網上圖片
 
其實施嘉莉當年去試鏡做黑寡婦嗰陣已經係影后級人馬,但都要過五關斬六將先可以成功,可見荷李活嘅選角制度幾咁嚴格,唔似香港咁樣。另外,MCU 作品其他角色嘅選角都相當僅慎,尢其係蜘蛛俠。因為喺Marvel拎返電影版權之前已經有兩任蜘蛛俠,已經形象深入民心,所以佢地特別緊張今次嘅選角。湯賀蘭當時足足試左六次鏡,打低二千個對手,仲要再同羅拔唐尼一齊傾下偈睇下夾唔夾,經歷多重難關先至確定成功做到蜘蛛俠。
 

Tagged:

Facebook Conversations