余香凝被妹妹笑身形似媽咪 「化悲痛為力量」發奮Keep Fit

GGWP @ UPower

操fit為處女個唱做足準備~

雖然受新冠肺炎疫情打亂手頭工作,但余香凝(Jennifer)話抗疫期間並無白過,因為她如常去電台宣傳新歌《無得比》,其餘時間就留家溫書,還會做運動Keep Fit,為延期的處女演唱會做準備。日前她換上小背心,同妹妹余潔滢齊做運動強身健體:「雖然改咗期暫時未知公司新安排,點都好啦,但機會係留畀有準備嘅人!」

余香凝及余潔滢做運動時會互相提點。
Jennifer非骨感形,有少少肉更靚。

為保持最佳狀態開Show,日前Jennifer同妹妹去做運動,玩健身波收大腿、腰圍及手臂,Jennifer體能較好,而且較有恆心及耐力。Jennifer說:「事關好多人話我肥,有日我喺客廳換衫,妹妹瞓醒打開門見到我身形,佢以為我係媽咪,好hurt呀!媽咪都老老實實話我『做藝人算好肥』。冇計,我體質好易肥,唯有賴媽咪當年陀我陀得唔穩,要打十枝荷爾蒙針,所以搞到我大大隻,唯一係身材比妹妹豐滿,不過,我寧願瘦。」

抗疫期間戴住口罩到電台宣傳新歌《無得比》。
余香凝好欣賞老闆兼男神古天樂,最想合作拍戲。

最近余香凝推出的新歌《無得比》,由妹妹唱和音,兩姊妹將會在稍後舉行的音樂會上同台合唱,眼淺余潔滢說:「我最怕望住姐姐時喺台上會喊。」Jennifer笑說:「我唔夠膽請老闆古天樂上台合唱,有朝一日喺大舞台先,講到終極最恨,就係想同佢拍戲。」

余潔滢最鍾意打籃球。

Tagged:

Facebook Conversations