禾絲妮雅琪自爆名花有主 真命天子係邊個？
前女子網壇一姐禾絲妮雅琪於情人節自爆，上載自己手拎玫瑰花的相片，表明「名花有主」，大家估下男主角係邊個？
無錯，就係一路同佢傳出緋聞既大衛李爾（David Lee）。昨日禾絲妮雅琪在Instagram貼出捧著玫瑰的自拍照，寫下：「各位情人節快樂，我是一個幸運的女孩，謝謝你。」，並標籤李爾的帳號「dlee042」，正式公開戀情。
較早前已有媒體報道，禾絲妮雅琪多次去馬刺主場睇波，並上載身穿馬刺波衫的照片。另外，禾絲妮雅琪的哥哥亦向媒體証實消息，指李爾睇禾絲妮雅琪比賽，同自己一樣咁激動，在美網時候亦在場邊鼓勵。
33歲的李爾近日作為馬刺第六人的表現相當良好，攻守兼備，本季場均貢獻7.5分及5.6個籃板，睇嚟佢同禾絲妮雅琪嘅關係帶來正面作用。
（AP圖片）
