鄭多燕上身！BB勁High鬥做Sit Up
外國有一對雙胞胎姊妹最愛睇電視，每次至少睇半個鐘或以上，但今次唔知睇到咩節目，竟然興奮到不停做Sit up，係咁彈上彈落、彈上彈落勁可愛。
兩個BB住在英國坎布里亞郡，名為Aislinn Kerr和Amilia Kerr。父親安東尼早前見到兩個女睇電視睇到咁High，立即拍下影片，只見兩個女坐在搖搖櫈，Aislinn的反應較大，運用搖搖櫈的彈力，不停做Sit up，同時碌大對眼，聚睛望實電視不停彈彈下。
對於囡囡活力十足的表現，安東尼表示：「兩個小朋友平日最愛睇電視，至少坐半個鐘或以上，雖然她們兩個像是在『發瘋』，但只要BB們開心，我亦無所謂。」
