戴維斯大鬧李華士：08年唔配拎最佳教練
對於塞爾特人嚟講，最光榮嘅時間絕對係2008年擊敗湖人，贏取NBA總冠軍的一刻。唔知大家仲記唔記得，當年有份效力綠軍嘅「Big Baby」戴維斯（Glen Davis）呢？近日佢接受網台訪問，原來佢認為當時教練李華士根本唔符合最佳教練稱號，只係「死好命」。
（AP圖片）
（AP圖片）
戴維斯話：「喺2007年綠軍連季後賽都入唔到，2008年只係靠招兵買馬。不過，加納特、皮亞斯同埋雷阿倫就絕對配得上冠軍稱號，但李華士就唔值得拎最佳教練。」
（AP圖片）
另外，戴維斯亦指李華士無喺球賽上盡好教練責任：「佢從來都唔會讚球員，當你做得好嘅時候，佢亦只會好冷淡咁講『出去做多一次』，而唔會講『做得好啊，繼續努力』。」
（AP圖片）
戴維斯同李華士的「恩怨」更延續至快艇隊，當戴維斯扭傷膝頭時，李華士從來沒有致電慰問，甚至乎是要戴維斯的代理人開口「求」李華士才肯致電。不過，李華士卻只向他說：「你沒有做好自己。」喺整段對話入面，完全感受到Big Baby嘅不滿同埋失望，唔知李華士會唔會有所回應呢？
