Bear又嚟料！同費達拿征服雪山
費達拿拎完第18個網球大滿貫冠軍之後，決定俾自己休息一陣，除咗喺家鄉瑞士欣賞世界高山滑雪錦標賽之外，佢仲喺社交媒體貼出一張相片，令到所有Fans都勁興奮，究竟係咩嘅相呢？
放假勁開心～（費達拿twitter圖片）
圖片所見，費達拿穿上一身爬山裝備，位處雪山之中，仲唔知點解拎住網球拍，擊走一個有繩連住嘅網球。當大家都諗緊發生咩事嘅時候，圖片右方出現一個熟悉身影，仲令到大家都明白點解費達拿會做緊奇怪動作，而神秘人物就係經常攀山涉水嘅貝爾（Bear Grylls）。
費達拿twitter圖片
相信大家見到貝爾都知道，費達拿將會出演野外求生嘅節目，同Bear一齊征服雪山。以前Bear都曾經喺雪地生存，仲要生食鹿心，唔知今次費達拿會唔會都要咁樣做呢？
費達拿twitter圖片
