• 體花生

勁似魁地奇！南韓全球首辦無人機足球賽

2017年02月26日 12:00 pm

So hin pok @ UPower

相信讀者對哈利波特都唔陌生（如果覺得陌生嘅都可以Google下），當中霍格華茲學院有一項競技運動，名叫「魁地奇」，學生需駕馭飛天掃把，嘗試將名叫「快浮」的球打入對方龍門得分，又或者捕捉「金探子」。韓國昨日舉辦全球首個無人機足球比賽，雖然真人唔駛落場飛嚟飛去，但玩法與魁地奇類近，亦十分刺激。

兩隊各有三至五個隊員，控制化身為「足球」的無人機，務求將自己飛進對方龍門得分。無人機穿上直徑40厘米、碳造的球型裝備，避免碰撞後即壞機。每場比賽分3節，每節3分鐘，即比賽全長9分鐘。玩法看似簡單，但操作卻相當困難，因要設定進攻方法以及「守龍」，阻擋敵方得分。

南韓政府正積極將活動推廣至全世界，並計劃在9月舉辦聯賽。