保齡球追女神失手仆低 最後發展會係點？
吸引女神的招式層出不窮，有人選擇靠靚仔樣，有人會認為「講金唔講心」，而外國一名男人決定用佢嘅絕學「保齡球」追求女神，點知唔記得自己飲大左，一出手就仆係地下，究竟佢同女神最後嘅發展會係點？
姿勢分滿分！（AP圖片）
今年28歲的馬田（Martin Taylor）第二日起身發現自己手痛膊頭痛，查看自己手機才發現有一條尷尬短片，原來為了威俾女神睇，他要求女神為他拍下碌LING短片，更表示自己將會取得全中。
馬田步向球道，將手及球向後一拉，再出手向前揮出，姿勢分滿分，點知個波卻向右邊直飛，自己都跣咗落球道。影片聽到先是靜默數秒，然後女神突然爆笑，雖然樣就樣衰咗啲，但馬田成功逗得女神一笑。
點知仆咗喺到（AP圖片）
馬田其後表示，當日其實飲左幾杯烈酒，連自己打保齡仆喺到嘅一幕都完全無印象，他以為自己今次媾女無望，點知女神十分希望再次約會，睇嚟成功取得芳心。
