C朗去意甲炒貴門票 第3周作客鬥帕爾馬票價上升6倍？
一個C朗拿度到底可以為意甲帶出幾多話題？
C朗所到之處吸引大量球迷追星。 基斯坦奴朗拿度官方Facebook圖片
基斯坦奴朗拿度轉投祖雲達斯離開皇家馬德里，除了引發隊友希古恩可能轉會去AC米蘭爭取出場機會之外，連帶意甲門票都因為C朗的到來而變得有價有市。已經買入祖記季票的球迷當然不愁看不到巨星，但友會球迷或者普通球迷如果想看C朗表演，隨時所費不菲。
上升6倍，睇C朗的門票咪貴過子華神？ AP圖片
唔關我事，係帕爾馬決定加價。 AP圖片
懶風騷，知道你轉會夠巴閉啦。 AP圖片
好像意甲第3周賽事，祖記將會作客升班的帕爾馬，主隊已經決定提高門票價錢，北看台門票由原本約22.25歐羅炒至158.4歐羅，足足貴了6倍之多！相比之下，這張門票與帕爾馬整季季票相比也只是相差大約10元歐羅。但是，這個北看台門票價錢仍然未是最瘋狂，原本約150歐元的區域門票更加升至400歐元以上，一張門票只為觀看C朗表現一次，到底幾多球迷會願意為帕爾馬對祖記付大鈔呢？
