瘋狂球迷帶雞入場 為添好運搞到七國咁亂
今年為雞年，雞本應是吉祥物，但睇嚟文化傳統唔同嘅以色列就唔係咁諗啦。在以色列超級聯賽，有瘋狂球迷為了加強球隊運氣，竟然多次帶雞入場撐愛隊，最終搞到聯盟下禁令，不準「公雞Rambo」入場。
你捉我唔到～（影片截圖）
Yehuda Gohar為了愛隊特拉維夫葉胡達，試了不少「祈福」方法，例如帶冰、魚頭、大蒜、海水等，最終都係失敗，原本仲打算劏雞迎福，點知帶著活生生嘅Rambo去睇波，球隊嘅運氣更好，故佢就多次帶Rambo入場。
睇我對雨靴幾靚～（影片截圖）
不過，最近一次入場就搞到七國咁亂，由影片都見到，Rambo著好膠袋製的雨鞋，早有準備地入場奔跑，工作人員捉都捉佢唔著，走位仲勁過球員，一個扭幾個，最終係要佢自願離開，先至擺平亂局。
你捉我唔到～（影片截圖）
雖然Rambo帶來運氣，而且Yehuda Gohar亦指公雞已成為第12個球員，但聯盟唔容許Rambo多次闖入球場，最終叫警察捉曬主人同寵物，並下禁令不準「公雞Rambo」再入場。
影片截圖
