開學很累 學生哥慨嘆唔夠時間抖
覺得累的人請舉起左手。
網上圖片
暑假完結、開學不久，有學生哥已經在網上撰文表示很累，感覺身體好似被透支一樣。一位路人甲在Facebook群組《名校 Secrets》撰文，提及每日返學感覺時間如同被壓榨一樣，根本沒有時間抖氣。
唔夠瞓會令人感覺差勁。 網上圖片
這位路人甲寫道：「其實我覺得我已經算早瞓覺，每日都12點前，但係每一日都覺得好攰，好似身體被透支。其實認真諗，學校真係好唔顧及學生，冬令時間15:45放學，返到屋企16:30。如果想正常休息，距離瞓覺時間仲有5小時。1小時沖涼、1小時食飯，即係私人時間得返3小時，就拎來做功課，仲有測驗默書等等各樣，等於冇私人時間。得閒周不時學校仲有個補課，等於要透支睡眠時間。」呢位學生哥除了大嘆唔夠時間用之外，又認為學校無考慮的地方就係其實學生都係需要娛樂時間，在高壓的地方生活12年，正常人都顛。
早起的痛苦，學生哥都會明白。 網上圖片
不過，有網友Jennifer Cheng就反過來建議，其實時間運用全部是看自己如何安排。她分享個人習慣，功課和溫書她都選擇在午餐時間和小息做起，而且食飯及洗澡都只是花半小時及5分鐘：「其實每個人時間都24小時，看你怎麼去安排，看你怎麼去利用空餘的時間。 雖然說要重視自己的壓力，但我覺得與其只想這些不開心的事，不如去想想怎麼去安排時間，讓自己多點時間吧。」與其花時間嘆氣，倒不如捲起衣袖做事，大概是這樣吧？
學生哥的生活受制於返學時間。 網上圖片
