網民自認「學渣」轉讀Band3校找到「尊重」 獲鼓勵「有目標唔學壞就成功」
英雄莫問出處嘛
香港中、小學派位將學生按成績分等級編配學位的做法由來已久，而學校在收生時錄取的某Banding學生比例較高，就會被外界認定為對應的Banding，久而久之變成學校也被外界分了級別。有自稱轉校生的網民在討論區分享自己由外界眼中的Band 1學校轉到Band 3學校的體會，稱對學校的印象有了改變，更找到了「尊重」，而其他網民也回應表達贊助或予以鼓勵。
資料圖片
自稱轉校生的網民在討論區標明「如果你覺得band3係垃圾 請你停低睇下篇文」，他自稱「係一個本身算係band1嘅學渣轉左去band3」，並強調不同學校情況有別，因此旨在分享自身經歷。該網民稱「雖然喺未開學之前我唔會覺得band1人特別好人、band3一定係壞之類，不過就覺得 band3認真讀書嘅人應該好少」，但在開學數天後他對學校的感覺已有改變，稱「大部分人可能只係等待中六學位完成，但發現原來佢地唔係真係好hea」、「讀書風氣唔錯，都好想dse考好佢」。
網絡截圖
該網民又稱，在轉校後於新環境中，上課與老師多互動、「玩得黎又學到野」，他更指老師會不斷鼓勵學生，常會說「錯左唔緊要，錯左先知自己需要改善啲乜」，並且稱同學「無乜機心」，也不會排斥、欺凌其他人，相反舊校的同學會想盡辦法「逼死」不喜歡的人。
資料圖片
談及學校的課程，該網民稱是比較簡單，但以往每天「操卷操到心累」，又被逼補課並且要補習，回家已是晚上10時多，沒有精神去做功課和溫習，「一日完左累成狗」，但轉校後反而有動力去上進。總括自身體會，該網民稱「對於學渣黎講信心真係好重要」，而感覺舊校的老師會無視、容讓成績不佳的學生自生自滅甚至建議轉校，而自己轉校後「起碼我喺呢度搵到兩隻字：尊重」，並且指banding只代表成績好壞，但不能用以判斷一個人。
資料圖片
有其他網民閱讀文章後也附和其論調，留言稱「band3同band1嘅學生基本上差唔多，分別只係出嚟嘅成績」、「讀乜band只要有目標唔學壞就成功啦！」、「以前所謂既band 3、打交兇阿sir 係基本。你個間應該好幸運地所有人都好好。要珍惜！」。
