• U校園

VTC宣布復課惹「嬲嬲」學生：「帶泳褲返杏花村」

2018年09月18日 01:02 pm

羅奔 @ UPower

VTC同學仔好激動～～

颱風山竹已然離開香港，不過災後影響市面一片狼藉，各區仍有塌樹未曾清理，教育局周一（9月17日）宣布周二（9月18日）所有學校停課，不過職業訓練局（VTC）宣布大部分院校復校，惹來大量同學仔於社交媒體「派嬲」。

「隨著颱風遠離本港，VTC各院校已積極跟進清理工作，在評估相關情況後，除展亮技能發展中心外，其他院校將於明天如常上課。」VTC於社交媒體宣布消息，未夠一日已引來足足過千個「嬲嬲」。因為VTC院校遍佈全港不同地區，當中於重災區杏花村亦有香港專業教育學院（柴灣），不少同學生呻交通困難，根本未能上學。

「你好，我係讀沙田ive住天水圍既學生，有關沙田ive兩個校門入口都游泳池咁一事，我想詢問一下我唔識潛水請問仲有咩方法可以令我返到學校呢？」有同學留下暗諷留言。不過來到周二，實際上港鐵已恢復正常服務，同時640條巴士路線中有578條路線已重新開啟，或許住郊區的同學上學確有不便，但前往大部分院校的交通已暢通。

不過實際院校的狀況，在颱風過後僅一日理應尚需時間處理，如重災區杏花村便需更多「救災」時間，同學有怨言亦屬正常。