向即棄塑膠說不！中大簡潔海報教人「走塑」九式
海報設計簡潔，好得意！
中大圖片
颱風「山竹」搞到香港海水倒灌，將大量海洋膠垃圾捲上岸，還返晒俾港人。好多市民一樣，見到咁，驚覺「走塑」好重要。今年中文大學都推動「走塑校園」運動，一於將中大變成綠色校園。
資料圖片
中大會係本學年開展「走塑校園」運動，教授、校長，大學全體成員都齊齊響應校園「走塑」文化，鼓勵大家減少使用即棄塑膠用品。校園將唔會售賣一公升或以下的塑膠樽裝水、唔主動提供塑膠飲管、即棄餐具刀同發泡膠餐盒，並嘗試使用較環保之餐具（如可重用的餐具、餐盒或紙飲管等）去取代。之後仲會持續推行其他綠色措施。
