拜仁Twitter恥笑阿仙奴實錄
歐洲冠軍聯賽，阿仙奴再度跟住「劇本」走，連續七屆於16強止步；遇到剋星拜仁慕尼黑，連續兩回合都以1:5大敗，簡直係恥辱。睇返拜仁Twitter，原來一路都好鬼嘴賤，喺三年前就已經開始羞辱阿記......
AP圖片
2014年2月20日，又係歐聯十六強，首回合拜仁以2:0勝過兵工廠，靠卻奧斯同埋梅拿於下半場建功。拜仁喺賽後當係即刻抽水，發Twitter講「對唔住喇阿記，因為我地贏波，而我地亦都去緊里斯本喇。」姐係講到明自己會入決賽，此乃第一抽。
網上圖片
20個月之後歐聯分組賽，拜仁又嚟料，雖然喺2015年10月21日先以0:2輸比阿記，但係喺11月5日，成功以5:1掃走阿記。拜仁又發Twitter，影低得分板，再補多句「幅相完美啊！」，完全係插一刀落阿記到，此乃第二抽。
網上圖片
不過拜仁拎5:1，又點會就此罷休，第二日仲Tag阿仙奴死敵熱刺，同佢講「唔駛唔該。（笑臉）」相信呢句說話係有兩個意思，第一係講上場比賽就好似係為左幫熱刺出手對付阿仙奴，第二就係11月9日阿仙奴將會對熱刺，如今拜仁成功打擊阿記仕氣，所以就叫熱刺唔駛多謝佢地。
網上圖片
時間一轉，來到2016年的12月7日，於歐聯分組賽第6輪，阿仙奴成功4:1擊敗巴塞爾，以小組首名出線。本身單野就唔係好關拜仁事，但係拜仁見到阿仙奴發Twitter講自己拎到小組首名出線，拜仁再轉發，仲講話「我地係咪應該出發去倫敦喇？」，喻意想再同阿仙奴對賽。
網上圖片
點知去到2016年12月12日，又姐係今年歐聯十六強，咁啱得咁橋真係抽中拜仁，阿仙奴又發Twitter，話再次對上拜仁，而拜仁都轉發該Twitter，話：「你好啊，又係你地」，真係冤家路窄。
網上圖片
世界上真係無野阻到拜仁抽水，阿仙奴於英國足總盃成功踢入第五輪，於今年1月30日發Twitter，指今晚就係第五輪對手的抽籤。拜仁又轉發該Twitter，附有一張抽到拜仁嘅相，但明明拜仁就係踢德國盃，同足總盃完全無關係。
網上圖片
最後來到今年歐聯十六強，2月16日阿仙奴對拜仁的首回合賽事。拜仁率先喺2月15日發Twitter，放聲講「邊一隊準備比梅拿『屠殺』？」，最後結果亦係拜仁以5:1大勝。拜仁當然又要抽水，貼張得分相，講「同上年一樣又輸1:5？」
網上圖片
網上圖片
踢埋第二回合，雖然阿仙奴已經無力反擊，但係拜仁都仲要插多刀，講：「呢家係幾點？無錯，就係10點02分！」，喻意兩回合輸足10:2。望見阿仙奴咁多年比人不停插都無力還擊，都真係幾唏噓。
網上圖片
