最新一期Shaqtin A Fool出爐 黑猩猩都上榜？
每一期都收錄NBA球員的醜態，最新一期「Shaqtin' A Fool」出爐喇！今集「慘角」分別係太陽的巴波沙、爵士的法華斯、小馬的居里、木狼的史迪芬遜，同埋......一隻動物？
第一個出場的是巴波沙，相信有睇上周四，黃蜂作客太陽的球迷都估到呢一球會上榜。可能巴波沙太習慣以前喺勇士嘅生活，以為隊友空晒射三分就入硬，竟然係未入波嘅時候就背向籃框，舉高雙手並擺入三分入球的手勢，殊不知隊友射唔入，而咁就比奧尼爾放咗上榜。
AP圖片
第二個主角係法華斯，喺搶到進攻籃板之後，第一時間緊係反擊，但佢竟然跳起高舉皮球，直接由下而上穿過籃框，喺球例上當係唔計入波，所以又比奧尼爾睇中，恭喜恭喜。
AP圖片
第三個就係近期愈戰愈勇的居里弟，在小馬主場迎戰雷霆的賽事，被對方羅拔臣防守時，想用轉身擺脫對手，但唔知係腳軟定跣親，轉到一半突然跌坐落地，奧尼爾就緊係唔會放過佢啦！
AP圖片
第四位比較特別，因為佢唔係球員，而係Upower之前都講過既太陽吉祥物 － 黑猩猩撲入場事件！
AP圖片
輪到最後一位，出名運球的史迪芬遜，面對快艇班頓巴斯的防守，施展一輪插花之後成功扭過對手，點知喺想傳球之際跣親，成為「Shaqtin' A Fool」最後一名受害者。
