「學界美斯」玩謝守衛 扭過龍門再入波
近日一條學界足球影片喺LIHKG（連登）勁hit，事關一名C Grade球員腳法相當了得，一個扭幾個，仲連入數球，連登仔稱佢為「香港美斯」。不過唔剩止係呢位球員惹人注目，連登仔又點會放過被佢凌虐嘅對手，仲恥笑敵隊為「肥仔聯」。
輕鬆一個扭八個。（影片截圖）
呢位腳法強勁同學就係來自培聖中學足球隊嘅7號蔡焯嵐，喺片段中被稱為「殺球者」同埋「焯爆六粒男」。這位元朗足球隊的U14小將於3月12日代表學校在元朗區學界足球賽對伯特利中學，片段開先見他一個扭過八個，速度與技巧兼備，可惜的是錯失頭兩個埋門機會。
影片截圖
其後他又從中場控球直衝，一路殺到門前，點知埋門一腳「撻Q」，對面隊的球員收制不及，助攻射入烏龍球。呢名擺烏龍的球員以及後衛團隊的身形均較肥胖，追都追唔上蔡焯嵐的速度連登仔立刻開始恥笑，稱他們作「肥仔聯隊」。
白衫球員擺烏龍。（影片截圖）
除了這場賽事，培聖的戰績亦相當彪炳，於初賽分別以4:0勝過伯特利、2:0勝信義中學，以及6:0贏鄧兆棠中學。蔡焯嵐面對鄧兆棠更是由包辦所有入球，認真厲害。
