高爾夫球場見鱷魚？基保教你趕走不速之客
世界上已經無嘢阻到高爾夫球手想打波嘅心情，就算大大條鱷魚企係高爾夫球場，又如何？美國高爾夫球手基保（Cody Gribble）周四參加奧蘭多的一場比賽時，見到鱷魚闖入場地亦處變不驚，輕拍牠的尾巴，將牠趕走。
影片截圖
當時鱷魚躺在靠近水邊的位置，就像曬「日光浴」。面對這位不速之客，基保竟然施施然行向牠的尾部，用手拍一拍牠，而鱷魚明顯受驚，立刻衝入水中「逃命」。
影片截圖
鏡頭又轉回向基保身上，只見基保面露微笑，神色自若，一面「其實唔難」的樣子。他解釋：「其實唔係第一次，鱷魚亦看來需要一些「運動」，剛好我又想找點刺激，而且我亦不怕牠」。
基保：「其實唔難。」（影片截圖）
雖然基保好勇敢，其實點都要講番，用手趕鱷魚絕對唔係明智嘅選擇，因為鱷魚轉身速度快，容易被牠反咬一口，所以遇到同一情況，最佳方法始終要搵專業人士幫忙解決。
